البرلمة

طبعاً اختكم نجت من البرلمة بى دقايق بس....اول يوم مشيت فيه الجامعة قبل ما اصرفو لينا اليوني فورم زاتو هاها ..قاعدة ف حوش الجامعة طبعاً فرحانة وجامعة وبرنامج بس جا ولد قال لى في لاب..وقتها ما بعرف كلمة لاب بتعنى شنو؟ من مكانى ما اتحركتا....شايفة الناس جارية طبعاً البرالمة بكونو ظاهرين ..خصوصا فى الرباط عشان بكونو لسة ما استلمو اليونى فورم بعد مسافة الشمار حرقنى قولتا امش اشوف اللاب دا شنو..بس دخلتا كدا الولد السنير البرلم الجماعة قال انا كنت بهظر معاكم وانا خريج لسة بقرا حمدتا ربى انى ما مشيت

انا كـــــان نفسي يبرلموك يا نهي لكن طلعتي منها

هاهاهاها يا حاقد عشان انا كنت برلومة مسكينة وما ناقشة حاجة اتسترتا بس انا ما قادرة اتخيل منظري لو كنت معاهم كان عملتا شنووو؟ا احكى لى برلموك كيف انت؟